pepper

~

sa pagtulog ko't pag-gising
iisang sa puso'y akin
di mawaring pag-nanais
hindi maipintang tamis

pangangata't paglalambing
pinag-isa't inilihim
tinalikuran ang madla
umalahoka'y nalanta

nang 'di mawari ang lahat
marapat nang isiwalat
banggitin at ibahagi
pag-ngiti ng yaring labi

hinanap ang halimuyak
saan ang mga bulak-lak
sa mundo mo na kay lawak
di mawari'ng tinatahak

'di malabong matagpuan
maging sa ulap at buwan
hanggat puso ko'y huwaran
na ika'y aking makamtan

sa pag tugis ko ng hangin
humantong sa mga bitwin
kalawaka't himpapawid
di alintanang natawid

ngayon na aking nakamit
yaring aking panaginip
hahawakan ng mahigpit
'di hahayaang ma waglit