Ang gabing pinagtagpi-tagpi
Ng lungkot at pighati.
Madilim sa silid
Natatabunan ang liwanag ng namanhid
Na damdaming nakabatid
Ng lumbay na hatid
Ng pag-asang makipot at makitid.
Langit ang pangarap
Na biglang nasulyap
Pagpatak ng luhang sumabay sa pagkurap --
Kumalat rin sa isang iglap
Ligaya talaga'y mailap.
Mistulang kayumang
Ang kuyom ng palad ng pusong nakalutang
Sa kabiguang sa bukas ay nakaharang.
Hawak ang susi ng nakaraan,
Hindi mapakawalan.
Mabaho ang hininga
Na ibinubuga
Ng mundong mapanghusga:
Husga sa kamaliang nagawa --
Mali ba ang magkasala
Kailan makakawala?
Carlo Sia | Dec 19, 2012 9PM | Caloocan City
