Dahil

Di lang sa damdamin naipapakita;

Di rin sa isipang matatalinghaga

Ang tunay na laman ng pusong mat'yaga --

Ito ay dapat na isinasagawa.

Haplosin mo itong diwa kong nasawi

Nang aking madama ang saya ng ngiti,

Mapawing tuluyan ang aking pighati

Nang siglang nalabi'y lumabas ring muli.

Nag-iwan ng marka sa matang tulala

Ang pangakong bigla na lamang nawala.

Pataasang ihi't di pagpaparaya,

Ang napakababaw na dahil at mula.

Di lang sa damdamin naipapakita;

Ito ay dapat na isinasagawa.

Carlo Sia | Jan 17, 2013 | 11:30PM | Mandaluyong City