ang hardinero ng pagibig

~

mga ngiti ay ipunla,
mula sa binhi ng hiwaga.

sa puso ay palaguin,
mga pag suyo't paglalambing.

mga kamay ay hawakan,
at iduyan sa kalawakan.

kung tadhana ay mag tagpo
sa bahaghari ay humayo

hanggang sa inyong pagtanda,
puso'y mananatiling bata.

kung pumuti man ang buhok,
mundo nyo'y tuloy sa pag-inog.

ang huni ng mga ibon,
isulat ninyo at itipon.

nang pagdating ng panahon,
maalala nyo ang kahapon.