pagsabog ng libog na diwa

NOTE: ang tulang ito ay para lamang sa malalayang kaisipan. :)

Maraming salamat!

~

buhayin aking libog

hubaran aking diwa

hayaang pagnanasa

maghari at manawa 

lalaban kong bawat halik

dadakutin ang pagsabog

kalayaang kay tagal nang nanabik

nangangalmot sa bubog 

hagurin ng maraming dila

hayaang nang mangamoy

o kay sarap!

ang hiwang tumutula

libog na humihiyaw, nanaghoy

sa sarap ng paglaya

ng diwang ikinubli

sa tigang na panloob

 ~

--10/13/2011 --

Pagtatapos ng Pananalinhaga

nag-uumapaw ang puso sa ligaya

hindi maipinta ang tamis ng bibig

sa mga mata'y umaagos ang saya

pananalinhaga ng puso'y pag-ibig

mula nang nagmahal, sumulat ng tula

di maipahiwatig tangan ng kupido

mga pusong nagluluksa'y binubuhay

sa isang iglap, nag-alab ang libido

naghimig ang mababagsik na tayutay

talinhaga nitong pagibig na bulag

kay gandang pagmasdan, haraya ay damhin

pag-ibig na wagas sa mata ng madla

nawa, ang kasinungalinga'y aminin

sa kalokohang bibit wag nang madala

mamamanhid din ang musa sa pasakit

sa pagtatapos ng pananalinhaga

magwawakas na rin itong panunula

ukol lamang sa makatang tinatyaga

huhugutin na lahat ng ipinunla

pag-ibig na wagas, heto na ang wakas

-june 30, 2011

muntik

Ating paglalaro'y nagsisimula na

Kasama ka sa mga tawa't hagikhik

Sa ngiting aking kinahuhumalingan

Pagtibok ay may malakas na pagpitik

Hahawakan ang nakasinding bumbilya

Sa mga kamay mong hindi maaangkin

Matinding liwanag satiy bumubulag

Hayaan ang ligayang tayo nang dakpin

Magpapasabog ng kwentong kabaliwan

Hahalahakan ko ang 'yong mga biro

Sa paglimot sa tinakasang mundo

Angkinin ang oras ng larong tuliro

Makikisayaw sa saliw ng musika

Na bakit ngayon mo lamang natagpuan

Sa hagod ng melodiya ng tugtugin

Sa kathang mundo natin madadapuan

Ating kasiyahan ay magwawakas na

Itong hapong aking kinamumuhian

Tunay nating mundo ay natatawag na

Bukas kaya'y muli pang maaaabangan?

 --August 22, 2011--

FRANCISCO

magkakape sa masasayang hagikhik

upang sa pagkakaibiga'y mahaplos

ligayang sa puso malakas pumitik

sa malalambing mong bulong na kay lamyos

sa'yong ligaya, madalas makiduyan

malayang naghilom sa 'yong mga bisig

sa pait ng luha man pinadaluyan

sa iyong piling francisco, ako'y nahilig

nawili, samaha'y di mapakawalan

mga mata'y kalipon ang pagmamahal

kahulilip ng tuwang pinagsadlakan

pag-ibig na 'di mayakap dahil pagal

ikaw ang solana sa'king kadiliman

tangan tangan ang libo-libo mong ngiti

ikaw francisco, oh francisco aking yaman

sa'king bahaghari, pilak na baluti

kung sa bukas man na aking inaasam

ikaw'y kasipin ng isang kaagaw

sana'y 'di magapi pagkakaibigan

kahit minsan ikaw'y makaulayaw

~ 09/19/2011 ~

agos

pinaalis, tinaboy ang pag-ulan

pasakit sa iyong paang nababasa

pang-irita sa mundong mong natitigang

ligayang sa tubig di makatampisaw

sa pag-iinit nitong panahong banas

ninais, inasam mong muling umulan

pag-agos,pagnanasang muling pagtagas

mga ulap ay napagod, natuyuan

wag nang piliting hanapin ang nawala

minsang nariyan, pinilit na pinaalis

kailan nga ba magtatagpo, madadala

ng patak na parati kang ninanais

-- 09/24/2011 --

nang ang musa ay umibig

nang ang musa ay umibig

dumaloy ang mga tula

sa damdaming naghihimig

umagos mga himala

namulaklak ang salita

paru paro'y nagliparan

hinahawi ang dalita

alpombra ang nilakaran

sikat ng araw, kay init

di napapaso sa ganda

harapin mundong marikit

sa mga dagok ay handa

ang pagtula'y naging buhay

pagkain ang paghihimig

talihaga'y naging gabay

aminado sa pag-ibig

nang mabigo na itong musa

akalang mahal nang wagas

lungkot ay biglang dumagsa

hinihigop lahat ng lakas

mundo ng musa'y nanlamig

mga rosas ay natuyot

nanghihindik mga himig

balot ang hubog ng yamot

panunula'y di natigil

pusong kay tindi ng ngalit

ang puot ay nanggigigil

idinadaing ang sakit

nang ang musa ay umahon

sa pagkalugmok ng puso

ang pintig ay huminahon

sabay nawala ang pulso

mga damdami'y nawala

naglaho ang mga himig

musa'y tumigil manula

nilimot na ang pag-ibig

 ~10/7/2011~

~

I stare at the ceiling.
Blank.

Clouds are empty and shapeless.
I am lost.

Thoughts with mad sharp eyes,
Cut my brain.

And into pieces
I have gone crazy

I tried to fix the puzzle.
So helpless.

The view became black.
Now, I'm blinded.

While the heart of an empty glass
Mercilessly break...

As anger grinds
The hopeful peace.